La spaco cirkum ni
Nia sunal sistemo konsistas ek mezgranda stelo quon ni nomizas la Suno ed planeti : Merkuro, Venuso, Tero, Marso, Jupitero, Saturno, Uranuso, Neptuno ed Plutono. Olu inkluzas : la sateliti di ica planeti; numeroza kometi, asteroidi ed *meteroidi; ed la interplaneta medio. La Suno esas la maxim richa fonto de elektromagneta energio (precipue forme di varmeso ed lumo) di la sunal sistemo. La maxim proxima stelo di la Suno esas reda nano nomizita Proxima Centauri, quo trovesas ye disto di 4.3 lum-yari.
La tota sunal sistemo, same kam la lokal steli videbla dum klar nokto, turnas cirkum la galaxio quon ni nomizas la lakta Voyo, spiral nebuloso de 200 miliard steli. La lakta Voyo havas du mikra galaxii jiranta cirkum olu, qui esas videbla en la suda hemisfero. Oli nomesas la nubi di Magellan. La maxim proxima granda galaxio esas la galaxio di Andromeda; esas spiral nebuloso quale la lakta Voyo, ma olu esas quarfoye plu masiva ed trovesas ye disto di 2 milion lumyari. Nia galaxio, un inter la miliardi di konocata galaxii, voyajas en la intergalaxia spaco.
La *teluria planeti esas la quar planeti maxim interne di la sunal sistemo, to esas Merkuro, Venuso, Tero ed Marso. Oli esas nomizita *teluria nam oli havas kompakta ed rokoza surfaco quale ica di la Tero. Venuso, Tero ed Marso havas specala atmosfero kontre ke Merkuro ne havas olu. Jupitero, Saturno, Uranuso ed Neptuno esas konocita per la nomo di giganta planeti nam oli esas gigantala kompare kun la Tero ed oli posedas gasa naturo quale ita di Jupitero. Onu anke nomizas oli la gasa giganti, malgre ke uli od omni povas havar mikra solida centri.
Interreta adreso di la oficala TTTeyo di IDO: http://members.aol.com/idolinguo/index.html
