АДЫГЭ УЭРЭДХЭМ Я ПСАЛЪЭХЭР

Lyrics of Circassian Songs

[As the number of collected songs increases, they will be started to be divided into genres. Any contribution would be highly appreciated]

Гъатхэм и бзэр

(Kabardian; words by Alim Ch’ischoqwe)

Гъатхэм и бзэр хэт зымыщIэр?

Гъыбзэм псалъи щIремылъ.

И уэрэдыр зэхэзыхыр,

ПIэм нэху щауэ пхухэмылъ.

Гъатхэм и бзэм къуалэбзуи,

Удзи, хади щогуфIыкI.

И уэрэдыр зэ жиIамэ,

Псэ зыIутым ягу имыкI.

Гъатхэм и бзэр бзэ IэфIыщIэщ –

Си щIэщыгъуэу нэху согъэщ.

Лъагъуныгъэр зэрыпсалъэр,

Гъатхэм и бзэу щIы уи фIэщ.

ЦIыхум я бзэр зэхуэмыдэ,

Я щIыналъэри зэмыщхь.

Ныкъуэкъуэныр я кум дэлъщи,

ЗылъэмыкIыр иракъухь.

Псы къиуари мэхъу гумащIэ,

ЯлъэIэсмэ зиIу гъущIам.

Зэхуэгубжьхэр зэкIужынут,

Я бзэр тIуми зэрыщIам.

Гъатхэр гуфIэу къыIуплъамэ,

ЩIылъэ щхъуантIэр мэхъур псэф.

Зэнэзэпсэу фыпсэунум,

Гъатхэм и бзэр зэвгъэщIэф.

Нэхущ удж
(Kabardian; Written by Zalimx’an Dischech’)

Нэхущ уджыр ирагъажьэ,
ЗэIэпэхъухэри йоуджэкI.
Уэзым синэр птедыями,
НэгъуэщI щIалэхэмкIэ усфIоплъэкI!

Дыздэуджу дыздытетым,
Собзэрабзурэ узощэкI.
Си хъуэрыбзэхэм уемыдаIурэ,
НэгъуэщI щIалэхэмкIэ усфIоплъэкI!

Сигум къеуэу лъагъуныгъэм.
СыщIэупщIэурэ сыпхоплъэкI,
Жуапыншэу сыкъогъанэри,
НэгъуэщI щIалэхэмкIэ усфIоплъэкI!

Уэ упагэмэ сыерыщкъэ,
Ерыщагъэри къызобэкI.
Лъагъуныгъэм уезгъэщIынкъэ
НэгъуэщI щIалэхэмкIэ уемыплъэкI.

Адыгэхэр къофэ

Пшэр зэрызехьэу уэгум ихьамэ,
Дыгъэр къэувыIэу къызыплъэкIамэ,
КъыршхэмоспыIэрзыщхьэрахамэ,
Хырикъимыуэузиущэхуамэ.

Ежьу :
Къофэ, къофэ, къофэ, Адыгэ Лъэпкъыр !
Къофэ, мэгуфIэнобэ, си Къэбэдейхэр !
Ей си дуней, ой си Къэбэрдей,
Ей си дуней, ой си Адыгей,
Къафэ, гуфIэ, Iэгум теуэ, нобэ си Къэбэрдей,
Дыгъэр, Мазэр, уэ къэбдофэ, нобэ си Адыгей,
ЩIылъэр, Уафэр, уэ къохъуапсэр, нобэ си Къэбэрдей.

Вагъуэхэр пщIыпщIу уэгум ипхъамэ,
Дыгъэм и бзийхэр зыкIэщIипхъамэ,
Хъыринэ ещIэу щIылъэм щIидзамэ,
ЦIухухэм щхьэнгъубжэр зым щIэгъуэдзамэ.

Ежьу.

Мылылъэ губгъуэр псыуэ жабзэмэ,
Алаырэбгъу щхъуантIэр щIым къиубгъуамэ,
Бзыухэр бзэрабзэу жыгыщхьэм исмэ,
Мазэм ипсикIэу сэлам къыдихмэ.

Ежьу.

Бораным щIылъхэм зыщIиубгъуамэ,
ЩIымахуэ щылэм зиудыгъамэ,
Iэгуауэ макъыр уафэу уэуамэ,
«Афэрым» жиIэу дадэ тэджамэ.

Ежьу.

Back to Amjad Jaimoukha’s main page

This Page hosted by Yahoo Geocities Get your own Free Home Page